Kataloniyaning "Barselona” klubi muddatidan oldin Ispaniya chempionligini rasmiylashtirdi. Bu klub tarixidagi 22-chempionlikdir.
Primeroning 36-turida Madridning "Real” klubi "Espanyol” mehmoni bo‘ldi va 1:1 hisobida durang qayd etdi. Bu natijadan keyin "Qirollik klubi”ning "Barsa”ga yetolmasligi aniq bo‘ldi.
Aslini olganda chempionat startidayoq qaysi klub chempion bo‘lishi ma’lum bo‘lib qolgandi. "Real” jamoadagi ichki muhit joyida emasligi sabab ketma-ket ochkolar yo‘qotdi va turnir jadvalida "Barselona”dan ancha ortda qolib ketdi.
Qishga kelib madridliklar o‘zlariga xos bo‘lgan o‘yinni namoyish eta boshlashdi. Ammo bu paytga kelib "poyezd ketib bo‘lgandi”.
Biz saytimiz nomidan yurtimizdagi "Barselona” klubi ishqibozlarini chempionlik unvoni bilan tabriklaymiz!
