Главная » 2014 » Mart » 19 » Азиза Ниёзметова янги клипга тайёргарлик кўряпти
18:11
Азиза Ниёзметова янги клипга тайёргарлик кўряпти
Наврўз айёми арафасида кўплаб санъакторларимиз гастрол сафарларига чиқиб, вилоятлик муҳлисларини хушнуд этиш билан банд. Хоразмнинг эрка қизи Азиза Ниёзметова ҳам республикамизнинг турли вилоятлари бўйлаб чека-чека қишлоқ аҳолисини байрам билан табриклашга астойидил киришган.
Куни кеча Тошкент вилоятининг Бекобод, Фарғона вилоятининг Қўқон шаҳарларидаги байрамоно дастурларда иштирок этган хонанда эндиликда Самарқанд томон йўл олган.
Яқиндагина "Оғажоним” номли таронасига клип суратга олиб, телеканаллар орқали намойиш этган Азиза Ниёзметова яна бир янги қўшиқни ҳозирлаб қўйди. Тарона "Омон бўлсак” дея номланди. Тез кунларда унга ҳам клип суратга олиш ишлари бошлаб юборилади. Унинг премъераси, албатта, Tarona.net сайтида бўлиб ўтади.
Дарвоқе, хонанданинг таъкидлашича Наврўз арафасида, аниқроғи 20 мартдан бошлаб ойнинг охирига қадар Туркияга дам олиш учун сафарга отланяпти. Сафардан кўзланган асосий мақсад, ҳордиқ олишдан ташқари Туркиядаги юртдошларимизга концерт дастурини тақдим этишдир. Шунингдек, мазкур давлатда "Самарқанд” номли ресторанинг очилиш маросимида ҳам шахсан иштирок этади. Бу ҳали ҳаммаси эмас! У ерда "Омон бўлсак” номли қўшиққа клип ҳам тасвирга олиниши эҳтимоли борлигидан хабар топдик. Демак, Азиза Ниёзметовадан яқин кунларда Туркияда олинган клип премъерасини кутинг. Албатта, биринчилардан бўлиб бизда!
