Главная » 2013 » May » 11 » Ариэл Кастрога ўлим жазоси тайинланиши мумкин
00:46
Ариэл Кастрога ўлим жазоси тайинланиши мумкин
Уч нафар қизни ўғирлаганлик ва зўрлаб бирга яшашга мажбур қилганлик айланаётган АҚШлик Ариэл Кастрога ўлим жазоси берилиши мумкин.
Прокурор Тимоти Макгинти суддан унга нисбатан айнан шундай жазонинг ҳукм қилинишини сўрамоқчи. Прокурорнинг сўзларига кўра, ушбу жиноятни оғирлаштирадиган жиҳатлардан бири ўғирланган қизларда хомиланинг нобуд бўлиши қайд этилганидадир. Бу эса қотилликка тенглаштирилади.
Тимоти Макгинти, прокурор:
"Қўлга киритилган далилларга асосан, ўтган 10 йилликда содир этилган жинсий зўрлашнинг барча турлари, одам ўғирлаш, инсон жонига суиқасд қилиш, қотилликка уриниш, ўз жонига қасд қилиш каби жиноятлар учун айбланувчига энг оғир жазони тайинлашларини сўрайман.
Ариэль Кастро унга қўйилаётган айбловларнинг бир қисмини тан олган. Унинг онаси эса телекамералар орқали кўзда ёш билан ўғлининг жиноятларини кечиришларини сўраган.
Лилиан Родригес, Ариэля Кастронинг онаси:
"Менинг ўғлим касал. У жуда қўрқинчли жиноят содир этди. Бундан қаттиқ азобдаман. Мен уларнинг онасидан ва қизларнинг ўзидан ҳам кечирим сўрайман".
Озодликка чиққан Аманда Берри, Мишель Найт ва Жина Дехесусларнинг полицияга гувоҳлик беришларича, 10 йил давомида улар бор-йўғи икки марта кўчага чиқишган. Кастро қизларнинг хомиласи тушиши учун оч қолдирган ва калтаклаган.
