| Статистика |
Hozirda saytda: 2 Mexmonlar: 2 Foydalanuvchilar: 0 |
|
Главная » 2013 » Mart » 6 » «Ҳанновер» мураббийи термизлик ёш футболчилар учун машғулот ўтказади
04:59 «Ҳанновер» мураббийи термизлик ёш футболчилар учун машғулот ўтказади |
Германиянинг «Ҳанновер 96» футбол клуби ёшлар жамоаси мураббийи Андрей Вайберт 5 март куни термизлик коллеж ўқувчилари учун машғулотлар ўтказади. Бу ҳақда Германиянинг Тошкентдаги элчихонаси матбуот хизмати хабар берди.
Элчихона хабарида қайд этилишича, Вайберт 2013 йилнинг 5 март куни Термиз шаҳар олимпия захиралари коллежида ўқувчилар билан машғулот ўтказади. Тахминан 3 соатдан ортиқ давом этадиган машғулотдан сўнг сўнг ўқувчилар иккита жамоага бўлинган ҳолда 30 дақиқалик футбол ўйнашади.
Тадбир ниҳоясига етганидан сўнг ёш спортчиларга «Ҳанновер 96» жамоасининг футболкалари, гетра ва коптокларидан иборат совғалар топширилади. Элчихонанинг қайд этишича, ушбу тадбир «Ўзбекистон ва Германия ўртасидаги дўстликни спорт йўналишида ифода этиш» мақсадида ташкил этилмоқда.
Андрей Вайберт ҳозирги кунда Германия армияси – Бундесвернинг Термиздаги қароргоҳида санитария бўлими вакили сифатида хизмат қилмоқда. Қайд этиш жоиз, 2012 йилда, ўзбек футболининг 100 йиллигини жойларда нишонлаш тадбирлари доирасида, Термизда «Сурхон» футбол жамоаси фахрийлари ҳамда ISAF ҳарбийлари иштирокида ўртоқлик учрашуви ўтказилган эди.
Маълумот ўрнида, Термиздаги ҳарбий аэродром Гермнаия ҳарбий-ҳаво кучлари томонидан Афғонистонга юкларни жўнатиш мақсадида фойдаланади. Август ойида Ўзбекистон ташқи ишлар вазири Абдулазиз Комилов ушбу аэродром ҳақида тўхталиб, у ерда «ҳеч қандай қурол-аслаҳа йўқ»лиги, «у ҳарбий база эмас»лигини айтиб ўтган эди.
|
|
Категория: O`zbekiston Yangiliklari |
Просмотров: 727 |
| Рейтинг: 5.0/4 |
Добавлять комментарии могут только зарегистрированные пользователи. [ Регистрация | Вход ] |
|
|
