Er ko‘chada ichib yurmagay, Uydan kechib, bezib yurmagay, O‘zin nochor sezib yurmagay, Agar ayol oqila bo‘lsa. Er- xotinning goho urushi, Go‘yo to‘fon, bo‘lar tinishi. Uyat ota uyida yurishi, Agar ayol oqila bo‘lsa. Uydagi gap ko‘chaga chiqmas, Shubhalardan aslo to‘n bichmas. G‘iybatlarning loyida kechmas, Ayol agar oqila bo‘lsa. Hovli joyi doim top-toza, Kiyimida gard yo‘q, pokiza. Bo‘lur parilarga andoza, Agar ayol oqila bo‘lsa. Uyda mo‘lki, uvol etmagay, Gar yo‘qdirki, yo‘q toriqmagay. Тopqirdirki, hech zoriqmagay, Agar ayol oqila bo‘lsa. Yaxshiliging yuz oshiradi, Yomonliging sir yashiradi. Dilda mehring ho‘p jo‘shiradi, Agar ayol oqila bo‘lsa. «Yo‘q» deguvchi so‘zlardan yiroq, Erga qilmas ham nozu-firoq. Rashki bor-u, o‘rnida biroq, Agar ayol oqila bo‘lsa. Xato qilmoq Odamdan meros, Avf etmoq Momo havoga xos. Kechirgay er adashsa bir oz, Agar ayol oqila bo‘lsa. Jahlla engolmas, biladi, Shirin so‘zlab jonin oladi. Adashsa rost yo‘lga soladi, Agar ayol oqila bo‘lsa. Yomon xotin erni xor qilar, Hatto shirin so‘zga zor qilar. Yommonni ham yaxshi yor qilar, Agar ayol oqila bo‘lsa. Xizmatga shay, doimo hozir, Er shoh bo‘lsa, ayolchi – vazir. Maslahati tilloga arzir, Agar ayol oqila bo‘lsa. Boshi baland doimo mag‘rur, Qayg‘u bilmas, har dam shod yurur. Erkak uchun chin baxt shu erur, Agar ayol oqila bo‘lsa!
|