Главная » 2014»Mart»1 » 7-қаватдан тушиб кетган ўзбекистонликнинг ўлими бахтсиз ҳодиса деб топилди
17:25
7-қаватдан тушиб кетган ўзбекистонликнинг ўлими бахтсиз ҳодиса деб топилди
Камчатка ўлкасида дурадгорчилик ва бетон қуйиш ишлари билан шуғулланаётган Ўзбекистон фуқаросининг иш жойида 7-қаватдан тушиб кетиши бахтсиз ҳодиса деб топилди.
Йиқилиш оқибатида у мия оғир жароҳати билан шифохонага ёткизилган, аммо бироз вақт ўтгач вафот этган.
“АиФ-Камчатка” нашри берган хабарга кўра, Камчаткада ушбу ҳалокат бўйича тергов ишлари ниҳоясига етган.
Ҳодиса 1 феврал куни Петропавловскдаги қурилиш жойларидан бирда бўлиб ўтган. Давлат меҳнат испекцияси томонидан тузилган Комиссиянинг хулосасига кўра, ушбу ҳалокат иш пайтидаги бахтсиз ҳодиса деб тан олинган.
“Дальспестрой” филиалининг дурадгор-бетончиси қурилаётган бино атрофини опалубка қилаётган чоғида 7-қаватдан ерга қулаган. Бахтсиз ҳодисанинг асосий сабаби тепаликда иш ўринларининг қониқарсиз ташкиллаштирилиши деб топилди. Бахтсиз ҳодисага раҳбарият томонидан назоратнинг бўлмаганлиги сабаб деб топилди. Бундан ташқари қурувчи тепаликда бажариладиган ишдан олдин тегишли йўриқнома билан ҳам танишмаган.
Иш берувчига нисбатан маъмурий ҳуқуқбузарлик бўйича иш очилди. Тергов хулосалари ушбу иш бўйича айбдорларни жиноий жавобгарликка тортиш масаласини кўриб чиқиш учун тегишли органларга юборилди. Камчатка ўлкаси Давмеҳнатинспекциясининг матбуот хизматида хабар берилишича, ушбу иш бўйича жавобгарларни бир йилгача озодликдан маҳрум қилиш санкцияси қўлланилиши мумкин.
