У қатор гўзаллик танловларида ғолиб чиқиб, ўз бизнесини ҳам йўлга қўйишга муваффақ бўлди. Хабарларга қараганда, Изабелла илк марта онасининг қистови билан энг кичиклар учун гўзаллик танловида иштирок этган ва ғолиб бўлган. Бу митти қўғирчоқнинг ғалабага эришиши учун қимматбаҳо кўйлаклар, макияж ва турмакларга 50 минг АҚШ доллари миқдорида маблағ сарфланган. Жажжи юлдузнинг онаси ўз уринишлари зое кетмай, қизи ғолиб бўлганидан жуда бахтиёр. Шундай кичик ёшда катта омадга эришган қизалоқ ўз шахсий пардоз воситалари ва заргарлик буюмлари линиясини ҳам ишга туширди. Омма унинг ташаббусини қўллаб-қувватлаган ҳолда, Изабелла Барреттдан лаб учун бўёқлар, билагузуклар каби пардоз воситалари ва тақинчоқларни жон деб харид қилмоқда. бу эса жажжи юлдузга кўплаб даромад келтирмоқда. «Мен ғоят бахтиёрман. Мен суперюлдузман. Ўз бизнесимга эга бўлдим. Бу ҳақда бошқалар фақат орзу қилишлари мумкин», - дейди жажжи гўзал. Айтмоқчи, Изабелла ўз гўзаллиги ва кучига шу қадар қаттиқ ишонадики, атрофида ҳеч қандай рақобатчини кўрмайди. Онаси эса қизининг хулқи бузилишидан ҳавотирда: «Қизим Бритни Спирснинг йўлидан кетишидан жуда ҳавотирдаман. Ҳозирнинг ўзида Изабелла ўзини гўё суперюлдуздек тутмоқда. Энг машҳур меҳмонхоналар хизматидан фойдаланади. Мен эса уни имкон қадар жиловлашга уриняпман», - дейди она. Хабарларга қараганда, Изабелла Бродвейдаги ҳар бир чиқиши учун 10 минг доллар олади. Бу олифта «хўтикча» халитдан кийиниш учун дўконларда катта-катта харажатлар қилмоқда. Айтишларича ҳар куни овқатланишининг ўзига 2000 доллар сарфлар экан.
