SHERLAR.BIZ Shanba, 21.09.2019, 04:12
Приветствую Вас Mehmon | RSS
Меню сайта
Категории раздела
Latifalar [11]
Primyeralar [12]
Mobil telfonlar [197]
Sevgi dunyosi [826]
Qo'shiq matni [94]
Texnogoliyalar [98]
Kino yangiliklari [71]
Jahon yulduzlari [58]
Dunyo xabarlari [706]
Salomatlik sirlari [13]
Sport yangiliklari [589]
O'zbek yulduzlari [130]
Shou biznes olami [575]
Foydali maslahatlar [253]
Taomlar retseptlari [6]
Yulduzlar biografiya [59]
Qiziqarli malumotlar [697]
O`zbekiston Yangiliklari [641]
Munajjimlar bashorati 2017, 2018, 2019 / Мунажжимлар башорати 2017, 2018, 2019 [0]
Yangi qo'shiqlar 2017, 2018 [0]
Yangi mp3lar 2017, 2018 [0]
25-May bitiruvchilar kuni uchun she'rlar [1]
Ramazon tabriklari / Ro'za haqida she'rlar tilaklar [1]
Onalar haqida juda tasirli she'rlar / Manoli / Mazmunli [1]
Do'stlik haqida sherlar / Yaxshi va yomon do'stlar haqida she'rlar to'plami [1]
Наш опрос
Sayt haqida fikringiz
Всего ответов: 264
Мини-чат
Статистика


Hozirda saytda: 1
Mexmonlar: 1
Foydalanuvchilar: 0
Главная » 2013 » Fevral » 28 » 28.02.13 Қарши қуда қадрли(сиз)ми?
09:01
28.02.13 Қарши қуда қадрли(сиз)ми?
Қайнсинглиси йиғлаб келганини кўриб, Дилфузанинг юраги орқага тортиб кетди. “Яна нима бўлди экан, қачон шулар тинч-тотув яшашаркан”, деган фикр ўтди хаёлидан. Қайнанасининг ҳам унга бошқача қараб қўйганини сезди. У ётоқхонасига ўтиб укасига қўнғироқ қилди. Хотинини олиб кетишни тайинлади.

– Керакмас менга унақа хотин, – деди укаси жаҳл билан. – Опа, шу пайтгача чидаганим етади. Уйдаги ҳамма ишни ойим қилса, бир гап уқтириб бўлмайди унга. Дарров “Опангнинг ҳаётини ўйла”, дея пўписа қилади.

Дилфуза укаси билан гаплашиш фойдасизлигини билиб, телефонни ўчирди. Кечга яқин кутганидай эри ишдан келиши билан жанжал бошланди.

– Менинг қизимни уриб ҳайдаб юборишса-ю, уларникини авайлаб олиб ўтираманми? Хотининг кўзимдан йўқолсин. Ўнта туғиб берган бўлса ҳам у билан яшамайсан, – деди қайнанаси гап тамом дегандай.

– Ойи, ўйлаб гапиряпсизми? Хотинимнинг айби нима? Ундан кўра эркатой қизингизга ақл ўргатинг. Нима етишмайди бунингизга? – деган эри қайнанасидан балога қолди.

Ўн кун уйида ўтирган қайнсинглиси туфайли қон ютди бечора. Қайнанаси ҳатто “зоти паст, онаси ҳам бетайин”, дейишгача борди. Аммо Дилфуза ҳаммасига сабот билан чидади. Энди умрининг охиригача шундай келишмовчиликлар билан яшашини ўйлаб юраги сиқилди...

– Баъзи оилаларда ҳали ҳам қарши қуда бўлиш анъанаси давом этяпти, – дейди маҳалла фуқаролар йиғини ҳузуридаги хотин-қизлар билан ишлаш комиссияси раиси Гавҳар Турдибекова. – Бунинг оқибатида оилавий келишмовчиликлар сони кўпаяётгани ачинарлидир. Яқинда икки оила бир ойнинг ичида қарши қуда бўлиб, бирин-кетин тўй ўтказишди. Биринчи оиладаги келин уч кунда уйига қайтиб келди. Натижада иккинчи оиладаги келин ҳам уч ойдан сўнг уйига қайтариб юборилди. Қанчалик тушунтириш ишлари олиб бормайлик, икки ёш оила ҳам бузилиб кетди. Шунинг учун қарши қуда бўлиш олдидан ҳар қандай оила чуқур мулоҳаза ва мушоҳада билан иш юритмоғи лозим. Яхшиси, бундай қалтис ишга қўл урмаган маъқул.

Дарҳақиқат, ҳаёт турфа синов ва имтиҳонлардан иборат. Уни атай қийинлаштириш, турмушдаги вазиятларни билиб туриб чигаллаштириш соғлом ақл ва мантиққа зиддир.

Энг ёмони, ота-оналарнинг чуқур ўйламай қилган қарорларидан гоҳида айбсиз фарзандлар, неваралар азият чекишади. Гулдай рўзғори барбод бўлиб, гўдаклар тирик етимга айланади.

Насиба эрининг гиёҳванд эканини билиб қолгач, ота уйига қайтиб келди. У аламини кимдан олишни билмасди.

– Атайин мени холангизнинг гиёҳванд ўғлига тиқиштиргансиз, – деди янгасига ўшқириб. – Шуни нега аввалроқ айтмадингиз, ё менда қасдингиз бормиди?

– Ахир, ўзингиз-ку севаман, шундан бошқасига тегмайман деб туриб олган. Ўшанда менга ҳеч ким маслаҳат ҳам солгани йўқ. Унинг шунақалигини ўзим ҳам яқинда эшитдим, – деди янга.

– Сиз ҳаммасини билгансиз. Менга чўпчак айтиб хомтама бўлманг, – деди қайнанаси қизининг ёнини олиб.

Жанжал устига келиб қолган эри:

– Синглимни бахтсиз қилганларинг учун сендан воз кечаман. Бор, йўқол, уч талоқсан, – деди жаҳл устида. Аёл турмушини тиклашга ҳарчанд уринмасин, барча ҳаракатлари зое кетди. Энг ёмони икки норасидасининг ота меҳрига зор бўлиб улғаяётганидан юраги эзиларди.

Мутахассислар фикрича, кишидаги инстинкт алдамчидир. Шу боис, оналар кўп ҳолларда фарзандини ранжитган кишиларни кечиролмайди, қарши қудалар орасидаги кичик тушунмовчилик эса катта муаммоларни келтириб чиқариши ҳеч гап эмас. Турмуши бузилган қизнинг ўз янгаси ёки келинига зуғум ўтказмаслигига ишониш амри маҳол. Шундай экан, фарзандларимизни қийноқлар исканжасига ташлашни истамасак, бу каби қолоқ одатлардан узоқроқ юрайлик.

Нилуфар ЮНУСОВА.
Категория: Qiziqarli malumotlar | Просмотров: 498 | | Рейтинг: 5.0/8
Всего комментариев: 1
SAYT_ADMINKASI28.02.2013 09:37
Добавлять комментарии могут только зарегистрированные пользователи.
[ Регистрация | Вход ]
Вход на сайт

Ro'yxatdan o'tish
Parolni unutdingizmi?
Поиск
Календарь
«  Fevral 2013  »
ПнВтСрЧтПтСбВс
    123
45678910
11121314151617
18192021222324
25262728
Архив записей
Друзья сайта
  • Официальный блог
  • Сообщество uCoz
  • FAQ по системе
  • База знаний uCoz
  • Copyright MyCorp © 2019Хостинг от uCoz