| Статистика |
Hozirda saytda: 1 Mexmonlar: 1 Foydalanuvchilar: 0 |
|
Главная » 2013 » Aprel » 30 » 22:56 Бостонга бағишланган "Ҳаёт учун" хайрия концертида 4000 кўнгилли иштирок этди
17:00 22:56 Бостонга бағишланган "Ҳаёт учун" хайрия концертида 4000 кўнгилли иштирок этди |
«Ҳаёт учун!» йирик хайрия лойиҳаси шу йилнинг 27 апрелида Тошкентдаги Туркистон санъат саройининг ёзги майдонида «Ҳаёт учун!» хайрия концерт дастури билан якунланди.
Хабарларга қараганда, хайрия концертига «Ҳаёт учун!» хайрия форум-марафонининг футболкасини харид қилиб, кўкрак бези саратони хасталиги билан курашишга ўз ҳиссасини қўшган тўрт мингдан зиёд киши ташриф буюрган.
Шу куни лойиҳа раҳбари, "Ўзбекистон маданияти ва санъати форуми" жамғармаси васийлик кенгаши раиси Гулнора Каримова бошчилигида кўплаб ташкилотчилар ва минглаб иштирокчилар кўкрак бези саратони хасталигига чалинган беморларни ва Бостонда рўй берган фожеавий воқеалардан азият кўрганларни қўллаб-қувватлаш учун жам бўлдилар.
Акцияда, шунингдек, ҳамкор ташкилотлар, юртимизда аккредитациядан ўтган дипломатик корпуслар ва халқаро ташкилотлар вакиллари, ҳомийлар, таниқли санъаткорлар, ўзбек эстрадаси юлдузлари, фаол ва ташаббускор ёшлар иштирок этдилар.
Тадбирнинг энг таъсирли онларига назар ташласак: Ҳар бир иштирокчига пушти шар тарқатилди. «Ҳаёт учун!» мадҳияси остида барча иштирокчилар сон-саноқсиз шарларни осмонга қўйиб юборишди. Бу ўзига хос жараёнда дунёда тинчлик ва осудалик ҳукмрон бўлишига ҳайрихоҳлик белгиси мужассам эди.
Концертда, шунингдек, бу каби эзгу ғояларга ҳамфикрлик ва эҳтиромни ифода этган қатор акциялар ҳам ўтказилди.
darakchi.uz
|
|
Категория: O`zbekiston Yangiliklari |
Просмотров: 700 |
| Рейтинг: 5.0/4 |
Добавлять комментарии могут только зарегистрированные пользователи. [ Регистрация | Вход ] |
|
|
