Главная » 2014 » Mart » 10 » 1992 йилги облигациялар тақдири ҳал бўлди
17:58
1992 йилги облигациялар тақдири ҳал бўлди
Ўзбекистон Молия вазирлиги ва Давлат тижорат Халқ банки 1992 йилги 12 фоизли ички ютуқли заёмни аҳолидан қабул қилиш ҳақида Қўшма баёнот қабул қилди.
Бу ҳақда Ўзбекистон Республикаси Молия вазирлиги хабар беради.
Вазирлар Маҳкамасининг 1992 йил 6 апрелда қабул қилинган 165-сонли қарорига асосан, аҳоли ўртасида тарқатиш учун 1992 йилги 12 фоизли ички ютуқли Ўзбекистон облигациялари чиқарилган.
Облигацияларнинг муддати 20 йил этиб белгиланган бўлиб, улар учун тўловларни 2014 йилнинг 1 июлигача талаб қилиш белгиланган.
Вазирлар Маҳкамаси Давлат томонидан қабул қилинган мажбуриятларни сўзсиз бажариш, фуқаролар жамғармаларининг кафолатли ҳимоясини таъминлаш, аҳоли ишончини мустаҳкамлаш мақсадида 5 март куни «Ўзбекистон Республикасининг 1992 йилги 12 фоизли ички ютуқли заёмини қабул қилиш ва сўндириш чора-тадбирларини ташкил этиш тўғрисида»ги қарор имзоланган.
Унга кўра, 2014 йилнинг 1 апрелидан 1 июлигача Халқ банкининг ваколатли бўлинмалари аҳолидан (шахсни тасдиқловчи ҳужжатни кўрсатган ҳолда) облигация эгалари номига «талаб қилиб олингунча» ҳисоб рақамини очиш ҳамда тасдиқланган ҳужжат бериш йўли билан облигацияларни қабул қилади.
Пул маблағлари 2014 йилнинг 1 августидан 30 ноябрига қадар индексацияни ҳисобга олган ҳолда тўланади.
Белгиланмаган муддатларда тўловга берилмаган облигациялар ўз кучини йўқотади.
Облигацияларни қабул қилиш ва тўлаб бериш юзасидан барча саволлар бўйича қуйидаги манзилларга мурожаат этиш мумкин:
