Java-телефонлар учун Opera Mini 8 мобил браузери чиқди!
Opera Software маълумотларига кўра, Java-телефонлар учун мўлжалланган Opera Mini браузеридан бутун дунё бўйлаб ойига 250 миллиондан ортиқ одам фойдаланади. Opera Mini 8 мобил браузеридаги тунги режим қоронғуликда автоматик равишда экран ёрқинлигини пасайтиради. Бу функцияни браузернинг созламаларидан фаоллаштириш мумкин.
Бундан ташқари, Opera Mini 8 браузерида янги махфий режим ҳам жорий этилган бўлиб, у ташриф буюрилган веб-саҳифалар тарихи ва паролларни ўзида сақлаб қолмайди. Браузернинг янги версиясида қўлланилган трафикни тежаш технологияси ёрдамида веб-саҳифаларни юклаш ва очиш тезлигини 90 фоизгача ошириш мумкин.
Opera Mini 8 браузерини кўчириб олиш учун ўзингизнинг Java-телефонингиздан m.opera.com сайтига киришингиз лозим.