YouTube мухлисларини Амброзия лақабли типратиканнинг раковинада чўмилиши таъсирлантирган кўринади, мазкур видеони бир ҳафта ичида 120 минг марта кўришди.
Кичкина типратиканнинг эгаси уни сув тўлдирилган раковина олдига олиб боради. Митти жонзод ўзини яхши ҳис қилган кўринади бунга ҳатто қаршилик ҳам кўрсатмайди, Амброзия ғужанак бўлиб олиб, сувда суза бошлайди.
Бир қанча вақт ўтгач Амброзиянинг эгаси уни секин аста бармоғи билан итаради, типратикан эса кемача сингари суза бошлайди. Видеоролик муаллифининг сўзларига қараганда, бундай тасвирни севимли "дўсти” билан у илк маротаба суратга олган. Ҳамма типратиканлар ҳам шундай суза олади, деб ўйлаётган бўлсангиз адашасиз дейди муаллифнинг ўзи.
Сўнгги пайтларда америкаликлар уйларида парвариш учун африка карлик типратиканларини сотиб олишяпти. Кейинроқ бу урф Европага ҳам ўтди. Буюк Британияда бир дона тиканакли жонзотнинг нархи 190 фунтстерлинг (тахминан 290 АҚШ доллар) туради. Ветеринарлар карлик типратиканларни икки ҳафтада бир маротаба чўмилтиришни маслаҳат беришади. Шунга қарамай, типратиканлар сувда ўзларини жуда яхши ушлашади, асосийси ванна унчалик чуқур бўлмаслиги лозим.