Никоҳ узукларини совға қилиш одати тарихи Қадимги Римга бориб тақалади. Ўша даврда эр-хотинлар темир ёки бронзадан ясалган узукларни мустаҳкам никоҳ рамзи сифатида бир-бирига тақдим қилишган.
Бугунги кунда эса руҳшунослар бармоқларга тақилган узукларга қараб, инсон феъл-атвори хусусида хулоса чиқариш мумкинлигини таъкидламоқдалар. Руҳшунослар фикрича, ўнг қўл кўрсаткич бармоғига тақилган узук инсоннинг мулоҳазали эканлигидан, чап қўлдагиси эса димоғдор ва жанжалларга ўчлигидан нишона экан.
Кўрсаткич бармоққа узук таққан машҳурлар: Цезарь, Иван Грозний, кардинал Ришелье, Генрих VIII.
Узук тақишда риоя қилинадиган айрим қоидалар хусусида эслатиб ўтамиз: * Овал ёки узунчоқ шаклдаги тошлар билан безатилган узуклар бармоқларингизга ўзгача нафислик бахш эта олади. * Бўйи унчалик узун бўлмаган аёллар йирик тошли қалин узукларни танламаганлари маъқул. * Бўй етган қизлар нафис узукларни таққанлари яхши. * Битта бармоққа тақилган бир нечта дидсизлик белгисидир. * Қимматбаҳо тошли узукларни кундузи тақиш ярамайди.
