Олигарх Борис Березовский оламдан ўтди - 27 Марта 2013 - SHERLAR.BIZ

07:04 Олигарх Борис Березовский оламдан ўтди
Асли Россиялик 68 ёшли олигарх Борис Березовский оламдан ўтди.Умрининг сўнгги 13 йилини Англия пойтахти Лондон шаҳрида ўтказган собиқ сиёсатчининг ўлими сабаблари аниқланмоқда. Ҳозирча 3та тахмин бор: юрак ҳуружи, ўз жонига қасд қилиш ва бўғиб ўлдириш. Хабарларга қараганда, унинг жасади Лондондан сал узоқроқда жойлашган Беркшир графлигидаги уйининг ювиниш хонасидан топилган. Маълумотларга кўра, сўнгги вақтларда унда икки маротаба юрак хуружи кузатилган. Мутахассислар Березовскийнинг ўлимига навбатдаги юрак хуружи сабаб бўлган, деб ҳам тахмин қилишмоқда. Кузатувчиларнинг сўзларига кўра, Березовский сўнгги вақтларда молиявий қийинчиликлар туфайли тушкунлик гирдобига тушиб қолган ва кучли депрессияни бошидан ўтказаётганди. Борис Березовский сўнгги интервьюларининг бирида Россияга қайтишни истаётганини қайд этган. Эслатиб ўтамиз, рус тадбиркори 2003 йилдан эътиборан қочоқ мақомини олган. У Россияда кўплаб жиноятлар содир этганликда айбланган ва сиртдан 6 ва 13 йиллик қамоқ жазосига махкум этилган эди.
1 2 3 4 5 Категория: Dunyo xabarlari \| Просмотров: 633 \| \| Рейтинг: 5.0/12