Главная » 2013 » Iyun » 12 » Йўловчилар Москва метросида қамалиб қолишди
00:02
Йўловчилар Москва метросида қамалиб қолишди
Бугун эрталаб Москванинг "Боровицкая" ва "Нагорная" метро бекатлари оралиғида техник носозликлар туфайли ҳаракат тўхтатилди.
Россия ФВВ маълум қилишларича, ушбу ҳолат "Серпуховская" бекатида энерготаъминот узилиши сабабли содир бўлган.
Маҳаллий вақт билан 09.57 поездлар ҳаракати яна тикланди, ҳозирда поездлар одатдагидай ҳаракатланишмоқда.
Ушбу ҳолат оқибатида Москва хуқуқни ҳимоя қилиш органларига 11 нафар киши тиббий ёрдам сўраб мурожаат қилишган, олти киши эса касалхонага ёткизилган. Тўхтаб қолган поездда 900 га яқин йўловчилар бўлганлиги айтилмоқда.
Айни дамда мазкур ҳодисани ўрганиш бўйича хукумат комиссияси тузилган.
Аниқ бўлишича, мазкур ҳодисада иштирок этиб, арзимас жабр кўрган йўловчига ҳам бадал тўланади. Бадални олиш учун азият чеккан йўловчи Москва метрополитени бошқармасига ариза билан мурожаат қилиши кифоя. Унга шахсни тасдиқловчи ҳужжат ва жабрланганлиги хақидаги тиббий хулоса илова қилиниши керак.
Бу сўнгги кунларда Москва метросида юзага келаётган иккинчи жиддий ҳодиса. 5 июн куни "Библиотека имени Ленина" ва "Охотный ряд" метро бекатлари оралиғида кабель ёниб кетган. Ёнғиннинг майдони узунасига 10 метрни ташкил қилган. Ёнғин бартараф этилгач, олтита метро бекати ёпилган, 4,5 минг йўловчи эвакуация қилинган. Ҳаракат фақат куннинг ўртасига бориб тўлиқ тикланган. Ушбу ҳодисадан 50 киши жабрланган.