Главная » 2014 » Fevral » 11 » Футбол бўйича Эрон аёллар терма жамоасининг тўрт футболчиси эркак бўлиб чиқди
19:08
Футбол бўйича Эрон аёллар терма жамоасининг тўрт футболчиси эркак бўлиб чиқди
Футбол бўйича Эрон аёллар терма жамоасининг тўрт нафар ўйинчиси гендер тестларидан ўта олмагани учун маълум муддатга дисквалификация қилинди.
• • •
Бу ҳақда «РИА Новости» хабар бермоқда.
Эрон аёллар терма жамоасининг энг яхши тўрт нафар футболчиси эркак бўлиб чиқди ва энди уларни жинсни ўзгартириш бўйича жарроҳлик амалиёти кутмоқда. Шундан сўнг улар яна аёллар терма жамоаси сафида тўп суришлари мумкин бўлади.
Хабар беришларича, энди Эронда бирор бир аёллар футбол клуби ким биландир шартнома имзолашидан аввал, футболчиларни албатта гендер тестларидан ўтказиши шарт бўлади.
«Агар бу одамлар ўз муаммоларини операция йўли билан ҳал қила олишса ва белгиланган тиббий талабларга жавоб беришса, улар яна аёллар футболи мусобақаларида иштирок этиш ҳуқуқига эга бўлишади», – деди Эрон футбол федерацияси тиббий комиссияси раҳбари Аҳмад Ҳошимиён.
2011 йили Эрон аёллар терма жамоаси билан боғлиқ бошқа бир ҳодиса рўй берган эди. Ўшанда терма жамоани Олимпия-2012 саралаш баҳсларига ҳижобларда майдонга чиқишига рухсат берилмагани учун, терма жамоа саралаш баҳсларида иштирок этишдан бош тортганди.
