Главная » 2014 » Aprel » 6 » Futbol bo‘yicha Jahon chempionati–2014’ni “to‘pning ko‘zi bilan” ko‘rish mumkin bo‘ladi
20:23
Futbol bo‘yicha Jahon chempionati–2014’ni “to‘pning ko‘zi bilan” ko‘rish mumkin bo‘ladi
Bu yil Braziliyada bo‘lib o‘tadigan futbol bo‘yicha Jahon chempionati uchun Adidas firmasi maxsus to‘plar tayyorlagan. Ulardan har birining ichiga oltita HD-kamera o‘rnatilgan. Bu haqda Look At Me nashri xabar bermoqda. Adidas bu mahsulotini “brazuka” deb nomlagan. Chempionatning standart to‘plari ham shunday nomlanadi.
Firma o‘zining YouTube-kanalida bu to‘pning dunyo bo‘ylab sayohati aks ettirilgan videolavhani joylashtirmoqda. Shuningdek, @brazuca’ni Twitter’da ham kuzatib borish mumkin. 7-apreldan boshlab ishlab chiqaruvchining saytida 360º ko‘rinishdagi fotosuratlarni tomosha qilish va sovrinli o‘yinlarda ishtirok etish mumkin bo‘ladi.
Bu Adidas’ning marketing ishi bo‘lib qoladimi yoki o‘yinning bir qismiga aylanadimi – bunisi hozircha noma’lum. Ammo futbol to‘pidagi kamera orqali olingan ma’lumotlar ayrim bahsli masalalarni hal etishga yordam berishi kutilmoqda.
