АҚШнинг камёб тангаларидан бўлган, 1913 йилда зарб қилинган 5 центли Liberty Head тангаси ким ошди савдосида 3,1 миллион долларга сотилди. Ушбу танга коллекционер-нумизматлар учун жуда алоҳида қийматга эга ҳисобланади, сабаби бу танганинг бештагина нусхаси борлиги маълум. Беш центли тангалар расмий равишда чиқарилиши тўхтатилгандан кейин ноқонуний равишда 1913 йилда АҚШнинг Танга саройида босиб чиқарилган. Аукционда сотилган "либерти" ўзгача тарихга эга. Шимолий Каролиналик коллекционерлардан бири Жорж Уолтон уни 1941 йилда 3,7 минг долларга сотиб олган. 1962 йилда у автоҳалокатда вафот этгач, унинг кийимлари билан биргаликда беш центли танга ҳам қариндошларига берилган. Уолтоннинг яқинлари унинг коллекциясига ҳеч қандай аҳамият беришмаган ва бу танга 40 йилдан ортиқ вақт мобайнида чанг босиб ётган. Уолтоннинг яқинлари American Numismatic Association нумизматика уюшмаси томонидан бир миллион доллар эвазига ўша камёб миллий танга қидирилаётганини эшитмагунларича бундан бехабар юраверишган. Танганинг эгалари ундан айрилишга шошилишмади. Ва ниҳоят "либерти" тангаси Чикагодаги Heritage Auctions аукционида иккита нумизматларнинг ҳамкорлик келишуви остида ҳарид қилинди. "Бу танга ана шундай нархга ҳарид қилса бўладиган энг ноёбларидан бири ҳисобланади", — дейди кеоллекционерлардан бири.
