Луис Фабиано: Менимча Месси-Неймар жуфтлигини тўхтатиб қолишнинг иложи бўлмасди
"Севилья" клубининг собиқ ҳужумчиси бразилиялик Луис Фабиано ватандоши Неймарнинг "Барселона"га ўтиши лозимлигини таъкидлаб ўтди.
"Неймар жуда яхши футболчи, аммо унга Европа тажрибаси етишмайди. Менимча Месси-Неймар жуфтлигини тўхтатиб қолишнинг иложи бўлмасди.
Неймарнинг ўйин услубини инобатга оладиган бўлсак, унинг учун энг аввало "Барселона" жамоаси жуда мос келишини айтиш мумкин", дейди Фабиано.
«Барселона» Саудия Арабистонидаги «Реал»га қарши ўйин туфайли гербини ўзгартириши мумкин
"Барселона” жамоаси Саудия Арабистонида кечадиган "Реал”га қарши ўйин туфайли гербини вақтинчалик ўзгаритириш мумкин. Ушбу ўйин Макка ва Мадина шаҳарлари орасида 12та Испания компаниялари томонидан қурилаётган темирйўлнинг очилиш маросими муносабати билан 2016 йили ўтказилиши режалаштирилмоқда.
Маълумотларга кўра, "Барселона” клуби ушбу ўйинда гербидаги Георгий хочини олиб ташламоқчи. Саудия Арабистонида анчадан бери "Барселона” маҳсулотлари клубнинг гербидаги хоч олиб ташланган тасвирда сотилмоқда.
Давид Луис: Мен билан «Барселона» қизиққанидан хурсандман "Челси" клуби марказий ҳимоячиси Давид Луис "Барселона" томонидан қизиқиш бўлганидан хурсанд эканини айтиб ўтди.
"Албатта мен билан "Барселона" қизиққанидан хурсандман. Мен шунчаки қайси клубда бўлмай, ўз ишимн яхшироқ бажаришга интиламан. Ҳозир шу ишни "Челси" билан амалга оширмоқдаман", дейди бразилиялик футболчи.
Эслатиб ўтамиз, Давид Луис аристократлар сафида 2011 йилдан буён ўйнаб келмоқда.
Лионель Месси: Менинг твиттерда аккаунтим йўқ
"Барселона" клуби ҳужумчиси Лионель Месси твиттердан фойдаланмаслигини таъкидлаб ўтди.
"Бир нарсага аниқлик киритишим керак, менинг твиттерда аккаунтим йўқ. Агарда қачондир у ердан аккаунт очсам, албатта Facebookдаги саҳифамда хабар қолдираман", дейди Лео синглисининг твиттери орқали.
Лионель Месси: Ишончим комилки «Милан»га қарши ўйинда вазиятни ўнглай оламиз
"Барселона" клуби ҳужумчиси Лионель Месси "Милан" қарши кечадиган ЕЧЛ плей-офф учрашуви ҳақида гапириб ўтди.
"Биз биринчи учрашувда яхши футбол намойиш эта олмадик. Аммо олдинда жавоб ўйини кутиб турибди. Менда ўз кучимизга бўлган ишонч бор.
Ишончим комилки жавоб ўйинида вазиятни ўнглай оламиз", дейди Месси.
Эслатиб ўтамиз, жамоалар ўртасидаги биринчи учрашувда "Милан" каталонияликларни 2:0 ҳисобида мағлубиятга учратган эди.
Manba: Uff.uz
| 
