Главная » 2013 » Aprel » 29 » Алишер Усмонов – Британиянинг энг бой кишиси
01:43
Алишер Усмонов – Британиянинг энг бой кишиси
"Металлинвест” эгаси, Лондоннинг "Арсенал” футбол клуби эгаларидан бири Алишер Усмонов Буюк Британия ва Ирландиянинг энг бой кишиси бўлди. "The Sunday Times Rich List” рейтинги шундан далолат бермоқда.
Ўтган йил давомида Усмоновнинг давлати 13,3 миллиард фунтга етган. 2012 йилдаги рейтингда унинг давлати 12,3 миллиард фунт деб баҳоланган ва у иккинчи ўринни эгаллаган эди. Эслатиб ўтамиз, тадбиркор икки йилдан буён Россиянинг энг бой бизнесменлари рейтингида биринчи ўринда турибди: "Forbes” унинг пулини 17,6 миллиард доллар деб баҳолаган.
Россиялик бизнесменлардан яна бири, 2012 йилда 9,5 миллиард фунт стерлинг билан учинчи ўринни олган Роман Абрамович янги рейтингда бешинчи ўринга тушиб қолди. "The Sunday Times” ҳисобига кўра, унинг давлати бугунги кунда 9,3 миллиард фунтни ташкил қилади.