Главная » 2013 » Mart » 25 » 3D форматдаги илк ўзбек киносини экран ҳазм қила олмади ёки кинозалдаги техник носозлик ҳақида
13:12
3D форматдаги илк ўзбек киносини экран ҳазм қила олмади ёки кинозалдаги техник носозлик ҳақида
Шу ойда "Mega cinema” ҳамда "City makon” кинотеатрларида илк бор 3D форматида суратга олинган "Папагандус – сеҳрли гиёҳ” фильмининг премьераси бўлиб ўтгани ҳақида хабар бергандик. Шунингдек, худди шу куни премьера олдидан фильм ижодкорлари ижодий жамоаси ҳамда актёрлар ОАВ ходимлари билан фильмнинг суратга олиш жараёнлари, унинг дунёга келгунга қадар босиб ўтган йўли хусусида матбуот анжумани ҳам бўлиб ўтди. Фильм премьерасида иштирок этган томошабинлардан бирининг хабар беришича, "City makon” кинотеатрида бўлиб ўтган премьера давомида техник носозликлар сабаб, экран тахминан 30 марта ўчиб қолган. Бу ҳолат келгусида ҳам давом этиши ёки йўқлигини билиш мақсадида фильм ижодкорлари билан боғландик. Азиз Паттохов, фильм продюсери: — Юқоридаги фикрни рад этмаймиз. Премьера иккита кинотеатрда ўтган бўлса-да, фақатгина "City makon” кинотеатрида техниканинг бироз носозлиги сабаб, фильмнинг ҳар ўн саккизинчи дақиқасида экран ўчиб қолаверди. Айни кунларда бу камчиликнинг ўрни тўлдирилди.
