1425, 1937, 1949, 1961, 1973, 1985, 1997, 2009 yillarda tavallud topganlar Sigir muchalida tug'ilganlar mehnatkash, oilaparvar va vatanparvar bo'ladilar. Yolg'izlikni, barqarorlikni sevib hayotiy o'zgarishlarni xush ko'rmaydilar. O'z ishiga, do'stlargiga hamda o'z yoriga (agar sevib turmush qurgan bo'lsa) mehrli bo'ladilar. Ushbu muchal yilida tug'ilgan sinfdoshlar, tengqurlar o'zaro uzoq yillar davomida do'stlik rishtalarini mahkam bog'lagan holda tez-tez diydorlashib turadilar. Sigir muchalida tug'ilganlarni boshlagan ishi yoki yo'lidan to'tatib qolish, ushlab qolish yoki o'rnidan qo'zg'atish qiyindir. Ular tabiatan juda katta ichki quvvatga, qaysarlikka ega bo'ladilar. Shuning uchun ular o'z maqsadlari sari dadil qadam tashlaydilar va mehnatkash bo'ladilar.Hayotning murakkab muammolari oldida esankirimaydilar. Balki barchasini sabr-toqat bilan bartaraf etib boradilar. Ko'p mehnat qiladilar, ammo doim ham muvaffaqiyatga erishavermaydilar. Atrofidagilar ularni imillaganlikda va tezda bir qarorga kela olmaslikda ayblaydilar. Bu gaplarda haqiqat bordir. Ularning barcha xatti-harakatlari moddiylik bilan bog'liqdir. Ma'naviy va intellektual boshqotirmalarga etibor bermaydilar Savdo-sotiq va ijtimoiy munosabatlarda pastbalandni yaxshi ajrata olmaydilar. Salomatligiga ta'sir ko'rsatadigan, osoyishtaliklarini buzuvchi ish joylarini, joyini o'zgartirish bilan bog'liq bo'lgan kasblar ularga to'g'ri kelmaydi. Afsuski, o'jarligi, badgumonligi va eskilik tarafdori bo'lganliklari tufayli kamdan-kam odam ularning fe'l-atvoriga chiday oladi. Sevgi-muhabbat bobida ular juda odmi, sodda va go'l bo'lib, kuchli his-hayajon va ehtiroslardan holidirlar. Turmush qurganlarida oilasiga katta ahamiyat beradilar. Farzandlarini yaxshi ko'rib, ular bilan faxrlanadilar. Buyruq berishga moyilliklari tufayli ularga ham o'shqirib, qo'pollik qilib turadilar. Shunga qaramay, mazkur muchal yilida tug'ilganlar o'z oilasini ham moddiy, ham ma'naviy jihatdan ta'minlovchi mehnatkash kishilardir. Sigir muchalidagi er-xotinlar xushmuomala, sadoqatli, hissiyotli bo'ladilar. Bolalik va yoshlik chorlarida katta voqea sifatida yodda qoladigan deyarli hech narsa yuz bermaydi. Maktab yoshidagilarning o'qishga qiziqishi qiyinroq bo'ladi. Yoshliklarida og'ir mehnat bilan shug'ullanishlariga to'g'ri keladi, keksalik chog'larida esa xotirjam tin olishib, keksalik gashtini suradilar. Ammo ba'zi hollarda keksayganlarida ham mushkul ahvolga tushib qolishlari kutiladi, ayniqsa, moliyaviy jihatdan. Mushkul xolatdan chiqishlarida ularning yaqinlari yordam berishi maqsadga muvofiq. Chunki ularning ichki quvvati va irodasi u qadar kuchli bo'lmaganligi tufayli bunday qiyinchiliklarni yengishlari mushkul. Sigir muchalidagi erkaklar: Mazkur muchal yilida tug'ilgan erkaklar ko'proq yolg'izlikni yoqtiradilar. Boriga shukur qilib, uyidagi shart-sharoitni o'zgartirishga xohishlari yo'q. Xarakterlariga ko'ra, ko'proq eskilik tarafdorlaridir. Qizlarning kalta yubka, shim kiyib, qornini ochib yurishlari, o'g'il bolalarning soch o'stirib yurishlari kabi holatlarga toqat qila olmaydilar. Oilaning asosiy boquvchisi sifatida tinim bilmay mehnat qiladilar. Ularning jaxlini chiqara ko'rmang! Aks holda holingiz voy bo'ladi. Sigir muchalidagi ayol(qiz)lar: Mazkur muchal yilida tug'ilgan ayol(qiz)lar juda ham ochiqko'ngil va sezgir bo'ladilar. Har qanday ishda ularga ishonsa bo'ladi. O'z uylarini sevganliklari uchun yashash joyini doimo shinam va ko'rkam qilishga intiladilar. Ushbu muchalda tug'ilgan ayollar o'z oilalari uchun jon ko'ydiradilar. Farzandlarini qattiqqo'llik bilan boshqaradilar. Sigir muchalida tug'ilgan ayol(qiz)lar yuksak darajadagi uy bekasi bo'lib, oilasi, bolalari va turmush o'rtog'i uchun bor kuchi, sa'y-harakatini ayamaydi. Hayotdagi qiziqishi doirasi u qadar ham keng bo'lmasa-da, o'z oilasiga bo'lgan sadoqatiga havas qilsa arziydi.
